𝐂𝐌𝐔𝐏𝐫𝐢𝐝𝐞: 𝐏𝐢𝐥𝐢𝐧𝐠 𝐦𝐚𝐠-𝐚𝐚𝐫𝐚𝐥 𝐬𝐚 𝐂𝐌𝐔, 𝐛𝐢𝐧𝐢𝐠𝐲𝐚𝐧𝐠 𝐞𝐬𝐩𝐚𝐬𝐲𝐨 𝐩𝐚𝐫𝐚 𝐦𝐚𝐠𝐩𝐚𝐤𝐢𝐭𝐚𝐧𝐠 𝐠𝐢𝐥𝐚𝐬 𝐬𝐚 𝐋𝐌𝐏-𝐌𝐨𝐧𝐭𝐡𝐥𝐲 𝐌𝐞𝐞𝐭𝐢𝐧𝐠

Umangat ang talento ng piling mag-aaral ng Central Mindanao University sa naganap na League of Municipalities of the Philippines– Bukidnon Chapter na idinaos sa College of Human Ecology – Function Hall, January 25, 2023. 

Mainit na hampas ng mga bewang ang ibinahagi ng mga miyembro ng CMU Bidlisiw Socio-cultural, nakakapanindig balahibo naman na awitin ang inihandog ng CMU Music Society at ilang pasabog na ipinamalas ng ilang estudyanteng dating lumahok sa MASTS 2022. 

Binigyang pagkakataon din ang mag-aaral mula sa Artizan na e-display ang kanilang mga obra. 

Ibinahagi rin ng mga estudyanteng manunulat sa lahat ng mga dumalong alkalde ang nabuo nilang maliit na kompilasyon ng mga tula na pumapatungkol sa mabuting panunungkulan ng isang pinuno na pinamagatang “The Leader”. Isa sa mga may-akda sina 𝙈𝙚𝙡𝙢𝙖𝙧 𝙁𝙖𝙨𝙤𝙣𝙞𝙡𝙖𝙤, 𝙑𝙖𝙡 𝙈𝙖𝙡𝙞𝙣𝙖𝙤 𝙖𝙩 𝘾𝙝𝙖𝙧𝙡𝙤𝙩𝙩𝙚 𝘽𝙖𝙘𝙝𝙖𝙣𝙞𝙘𝙝𝙖– 𝙏𝙝𝙚 𝘾𝙚𝙣𝙩𝙧𝙖𝙡 𝙋𝙤𝙨𝙩 𝙎𝙩𝙖𝙛𝙛 at kanilang kasamahan na sina Joan Alfeche, Lean Joy Noblefranca, Julia Marie Balase, Joshua Bryan Abrea, Maria Leoville Grace Bitang, Jericho Arangis, Fatima Canon at Seirlien Joie Marcellana.

Punong-abala ang lungsod ng Maramag sa pangunguna nina Mayor Jose Joel P. Doromal at Vice Mayor Maribeth Estrella–Lopez. 

Pagkatapos ng presentasyon, nagkaroon ng eksklusibong pagpupulong ang mga alkalde mula sa dalawampung munisipalidad.

Balitang hatid ni: Melmar Fasonilao

Mga litrato ni: Val Manilao at Julia Marie Balase